Ye'l grupu folk asturianu de mayor proyección internacional. Los sos cinco discos asoleyaos ente 1987 y 1999, asítiense yá ente los referentes imprescindibles de la nueva música asturiana. Los sos temes caracterícense por una gran fuercia rítmica, una pergrande orixinalidá nel tratamientu de los temes tradicionales, l'emplegu de testos reivindicativos y poéticos n'asturiano nos temes cantaos, y nuna calidá melódica y instrumental de gran altor. Instrumentación: gaita, vigulín, flauta, percusión, bouzouky, guitarra acústica, baxu pedal y en dellos temes curdión y sintetizaor.

Llan de Cubel son anguaño: Marcos Llope, Elías García, Fonsu Mielgo –tres de los sos fundadores–, Simón Bradley, Xuan Rodríguez y Xel Pereda.