El grupu de percusión «El Tambor de la Abadía» creóse cola idega fondera de da-y protagonismu al tamboriteru, tradicionalmente amenorgáu al par de la figura'l gaiteru. Poro, cuídase enforma la calidá y la variedá de la so música, emplegando tambores asturianos, caxes d'alta tensión ó «marching drums», dellos otros instrumentos de percusión y la gaita como instrumentu melódicu principal.

Nel repertoriu hai pieces asturianes, escoceses, de la independencia americana, militares españoles del sieglu XVIII y una bretona. Formen el grupu Javier Tejedor, Efrén Vigil, Manuel Durán, David Varela y Francisco J. Alvarez. Collaboren ente otros la banda de gaites «La Viga Travesá» y el gran gaiteru bretón Patrick Mollard.