Un percorríu bien ampliu pola xeografía y la música tradicional asturiana interpretada por muyeres, alrodiu del repertoriu pa voz y percusión fundamentalmente. Ye'l resultáu del trabayu de campo que desendolcaron los nuevos grupos etnográficos asturianos nos años ochenta. Les intérpretes formen parte anguaño de los grupos L'Aniciu (Mieres), Concetsones (Tinéu), Escontra'l Raigañu (Avilés), Vezos Astures (Uviéu) y Xardón (Uviéu). Relluma ente elles la voz de Mari Luz Cristóbal Caunedo, una de les meyores cantantes de tonada.

Amás de cantares pal baille acompañaos de panderetes y panderos, amuésense cantos d'ufierta y relixosos, tonada, dances, bailles-xuegu y romances. Dalgunos temes inclúin zanfona y gaita, vigulín, curdión, bombu o tarrañueles. En total más de noventa temes. Tan consideraos como dos discos básicos pal averamientu a la música vocal asturiana. Incluín un llibrín con muncha información y nel segundu volumen enxértase amás un CD-Rom con un vídeo del espectátuclu del mesmu títulu con grabaciones en directo.