Únicu discu d'un grupu qu'anició una llinia d'evolución de la música asturiana dende plantegamientos averaos a la tradición etnográfica. Na so formación alcuéntrase un nome de tanta sonadía como Xuacu Amieva, collaborador de «The Chieftains» ó Carlos Núñez, pero tamién, ente otros, músicos del altor de Pedro Pangua o Michael Lee Wolf. Amás de la gaita, empleguen tambor y panderos asturianos, curdión, flauta travesera, guitarra acústica, mandolina y vigulín. La voz solista de Marta Arbas ye un escelente ramu a les sos versiones musicales.