Cantares y sones de ciegu n'Asturies

FA.CD. 8787¡Ea, señores usías!

Embaxo esti títulu, fórmula pa llamar l'atención esbillada d'ente los caberos versos d'un pliegu de cordel espublizáu en 1755, ufiértase una escoyeta de sones recoyíos n'Asturies y xuníos ente ellos pola figura del so tresmisor: el ciegu. Hai romances de crímenes, humorísticos, de monstruos y sucesos estraordinarios; coples picardioses y satíriques; melodíes de calter políticu; y bailles de romeríes y xardines. Tolos temes tienen una instrumentación cenciella y axeitu, según los casos: vigulín, panderos, bombu, triángulu, carraca... y la gaita rabil o zanfona que toca el recopilador de los materiales del trabayu, Fonsu Fernández, qu'amás ye'l director del Muséu de la Gaita de Xixón.