Formación instrumental y vocal qu'anque sigue la llínia estética entamada n'Asturies por Llan de Cubel estrémase d'ella pola so personalidá. Dan-y una mayor importancia a los temes cantaos, enxertando nuevos testos sobre la base de la música tradicional y iguando versiones de canciones corales perespardíes. Instrumentos: dos vigulinos, gaita, bouzouky, guitarra acústica, curdión diatónica y baxu pedal. La formación foi camudando col pasu'l tiempu, pero'l pegoyu nel que s'afita la so propuesta sigue siendo'l trabayu de Igor Medio, Ruma Barbero, Xuan Nel Expósito y Carlos Redondo.