Esti discu entama una colección del Archivu de la Música Tradicional titulada “Fontes Sonores de la Música Tradicional Asturiana”. N’esta colección pretendese dir asoleyando les grabaciones orixinales delos informantes que, tantu’l Archivu de la Música Tradicional como otres persones y asociaciones, foron grabando en trabayos de campu pelos pueblos d’Asturies dende fai unes tres decades.Eduardo’l de Sabina, tamién conocíu como Eduardo’l de Ribesella, ye un gaiteru que llogró sonadía nos años 60 del sieglu pasáu y que necesitaba ver reconocía la so trayectoria agora que ta cerca de cumplir 80 años. Por eso entamamos con él esta colección.